Lajmet

Faqja zyrtare e kriptovalutës Monero është hakuar duke infektuar me një ‘malware’ të gjitha llogaritë e shfrytëzuesve të cilët kanë shkarkuar softuerin e kuletës gjatë kësaj kohe, njoftuan zyrtarët e GetMonero.org këtë të Martë. 

Ata kishin rekomanduar të kontrollojnë kodet (hash), secili që kishte shkarkuar kuletën CLI nga ueb-faqja, të hënën me datë 18 Nëntor nga ora 3:30 PD deri në 5:30 PD. Nëse këto kode nuk përputhen me ato zyrtare, ata rekomandojnë që të fshihen këto dosje dhe të shkarkohen përsëri të rejat – duke theksuar në fund që kodet e komprometuara assesi të mos ekzekutohen.

Qeveria e Shtetit Luiziana në SHBA është goditur me një sulm me ransomuer këtë të hëne (18/11/2019), i cili sulm ka ndërprerë qasjen në Internet dhe ka nxjerrë jashtë funksioni disa ueb-faqe të një numri agjencish shtetërore.

Lajmin e bëri të ditur Governatori i Luizianës John Bel Edwards në një seri postimesh në twitter, duke shkruar se kishte aktivizuar ekipin e reagimit ndaj sulmeve kibernetike dhe se ndalja e shërbimeve ishte masë parandaluese dhe nuk ishte për shkak të sulmit.

Më në fund WhatsApp është duke punuar në një veçori të re e cila do të jetë e gatshme në përditësimin e radhës. Kjo veçori ka të bëjë me vet-shkatërrimin e mesazheve pas një kohe të paracaktuar nga dërguesi i mesazhit.

Këtë veçori tashmë e kanë aplikacionet SnapChat, Viber, Telegram, Wickr, CoverMe, SpeakOn, Bleep, Wisper, Confide, StealthChat, Hash, etj.

Kjo veçori tani për tani është ne versionin Beta dhe pritet të publikohet me përditësimin 2.19.275, mirëpo nuk mund të themi se kur do të publikohet ky përditësim.

Sulmet me "ransomware" po bëhen çdo ditë e më të shpeshta. Sulmi më i freskët është ai i të Premtes së kaluar ku u goditën 22 komuna në qytete të ndryshme në periferi të Teksasit në SHBA duke i hequr ato nga funksioni.

Sipas një raportimi të Departamentit të Burimeve të Informacionit (DIR) në Teksas, besohet që sulmi është kryer nga një sulmues i vetëm dhe se janë goditur kryesisht departamente të caktuara në ato komuna, duke mos dhënë detaje të tjera nga frika e ndonjë sulmi tjetër.

Si pasojë e këtij sulmi, zyrtarët komunal të qytetit Borger kanë deklaruar se nuk kishin pasur qasje në certifikatat e lindjes dhe në ato të vdekjes, si dhe nuk mund të pranonin pagesat për shërbimet.

NSA, në një konferencë të mbajtur me dt 06/03/2019 në San Francisco, ka publikuar Ghidra 9.0 duke sqaruar se kjo vegël do të jetë open source dhe mund të merret dhe përdoret falas nga publiku.

Ghidra u shërben inxhinierëve të softuerit dhe analistëve të malware-ëve, që të mund të nxjerrin kodin burimor të një malware-i duke përdorur inxhinierinë e riprodhimit (Reverse Engineering) kundrejt vet ati malware-i.